တရုတ်နှင့်ဆက်ဆံရေးမပြေလည်သူ ဂျပန်ဝန်ကြီးချုပ် မြန်မာသို့လာရောက်လည်ပတ်မည်

လာမည့်မေလပိုင်းတွင် တရုတ်နှင့်ဆက်ဆံရာတွင် သဘောထားတင်းမာ၍ ပြေလည်မှုမရှိသည့် ဂျပန်နိုင်ငံဝန်ကြီးချုပ် ရှင်ဇိုအာဘေးမှ လာမည့်မေလ ၂၅ ရက်နေ့တွင် မြန်မာနိုင်ငံသို့လာရောက်၍ မြန်မာနိုင်ငံ၏ ဒီမိုကရေစီဖော်ဆောင်ရေးနှင့် စီးပွားရေးဖွံ့ဖြိုးတိုးတက်မှုတို့တွင် ဂျပန်နိုင်ငံ၏ကူညီပံ့ပိုးမှုများကို မြှင့်တင်နိုင်ရန် နိုင်ငံတော်သမ္မတ ဦးသိန်းစိန်၊ ပြည်သူ့ လွှတ်တော်ကိုယ်စားလှယ် ဒေါ်အောင်ဆန်းစုကြည် အပါအဝင် သက်ဆိုင်ရာ တာဝန်ရှိသူများနှင့် တွေ့ဆုံဆွေးနွေး သွားမည် ဖြစ်ကြောင်း သိရသည်။

၎င်း၏ အဆိုပါခရီးစဉ်သည် မြန်မာနိုင်ငံအပေါ် တရုတ်နိုင်ငံ၏ သြဇာလွှမ်းမိုးမှုများကို တန်ပြန်ရန် အထောက်အကူ ဖြစ်စေမည့်အပြင် မြန်မာနိုင်ငံအတွင်းရှိ ဖွံ့ဖြိုးမှုနည်းပါးလျက် ရှိနေသေးသည့် တိုင်းရင်းသား လူနည်းစုဒေသများတွင် ကျောင်း များ ဆောက်လုပ်ပေးခြင်း၊ စိုက်ပျိုးမွေးမြူရေးလုပ်ငန်းများတွင် နည်းပညာအကူအညီပေးခြင်း စသည့်အစီအစဉ်များကိုလည်း ကြေညာပေးသွားနိုင်ဖွယ်ရှိသည့်အပြင် မြန်မာနိုင်ငံ၏ဒီမိုကရေစီအသွင် ကူးပြောင်းရေးနှင့် ဖွံ့ဖြိုးတိုးတက်ရေးလုပ်ငန်းစဉ်များ အား အရှိန်အပာုန်မြန်ဆန်လာနိုင်စေရန် တွန်းအားပေးသွားမည်ဖြစ်ကြောင်းသိရသည်။

မြန်မာနိုင်ငံသည် အစိုးရသစ်လက်ထက်မှစတင်၍ နိုင်ငံရေး၊ စီးပွားရေးပြုပြင်ပြောင်းလဲမှုများကို လုပ်ဆောင်ပြသ ခဲ့သည့်အတွက် ဂျပန်နိုင်ငံမှ မြန်မာနိုင်ငံ၏ ဒီမိုကရေစီဖော်ဆောင်ရေး၊ စီးပွားရေးဖွံ့ဖြိုးတိုးတက်ရေး၊ စီးပွားရေးပြုပြင် ပြောင်း လဲမှုများနှင့် နည်းပညာကူညီ ထောက်ပံ့မှုများကို ပိုမိုပြုလုပ်ပေးခဲ့သည့်အပြင် မြန်မာနိုင်ငံမှ ဂျပန်နိုင်ငံသို့ပေးရန်ရှိသော ကြွေး မြီများကိုလည်း လျှော်ပစ်ပေးခဲ့သည်။

ယခုကဲ့သို့ ဂျပန်နိုင်ငံဝန်ကြီးချုပ် မြန်မာနိုင်ငံသို့ လာရောက်ခြင်းမှာ နှစ်ပေါင်းသုံးဆယ်ကျော်အတွင်း ပထမဆုံး အကြိမ်ဖြစ်ပြီး ပြီးခဲ့သည့် ၁၉၇၇ ခုနှစ်တွင် ဂျပန်နိုင်ငံဝန်ကြီးချုပ် တာကီယိုဖုကုဒမှ မြန်မာနိုင်ငံသို့ လာရောက်လည်ပတ်ခဲ့ဘူး ကြောင်း သိရသည်။